Ministria e Shëndetësisë njoftoi se 16.033.112 persona kanë marrë dozën e parë ndërsa 11.993.623 persona dozën e dytë.

Në Turqi ka shkuar mbi 28 milionë numri i personave të vaksinuar në të gjithë vendin në kuadër të imunizimit shoqëror të filluar në javën e dytë të janarit si pjesë e luftës kundër koronavirusit të ri (COVID-19).

Sipas të dhënave në “Platformën e informimit për vaksinën COVID-19” të Ministrisë turke të Shëndetësisë, numri i dozave që janë aplikuar ka arritur në 28.026.735 përfshirë 16.033.112 vaksinime për dozën e parë dhe 11.993.623 vaksinime për dozën e dytë.

Marrëveshje për 270 milionë doza

Në kuadër të “Strategjisë Kombëtare për Aplikimin e Vaksinës COVID-19” të Ministrisë së Shëndetësisë vazhdon vaksinimi i grupeve parësore.

Deri më tani është arritur marrëveshje për sigurimin e 270 milionë dozave të vaksinave prej të cilave 100 milionë doza nga Sinovac, 120 milionë doza nga BioNTech dhe 50 milionë doza nga Sputnik V.

Në programin e vaksinimit aktualisht përdoren vaksinat e Sinovac dhe BioNTec ndërsa pritet që së shpejti në Turqi të mbërrijnë edhe pjesa e parë e vaksinave Sputnik V.

Teksa kanë përfunduar punimet e fazës-2 për vaksinën inaktive të Universitetit Erciyes i cili është një prej 18 punimeve që vazhdojnë për zhvillimin e vaksinës vendase, synohet që brenda disa javëve të fillojnë edhe punimet për fazën-3.